Selección de Vigo. Previa

ALDO DAGRAZA E SUSO RECOUSO NOVOS SELECCIONADORES DA CATEGORÍA CADETE

Na mañá de onte, a Federación ofrecíalles un posto irrechazábel aos adestradores do Hispanidade, que fixéronse cargo da Selección de Vigo cadete dende xa.

Está previsto que xoguen este vindeiro sábado (11.00 h. Pavillón das Travesas) fronte a Ourense e que se desplacen a Chantada o vindeiro día 13 para enfrontarse aos lugueses. Sumaríase un enfrontamento contra Pontevedra nesta fase de Grupos do Campionato Galego (Grupo Sur) pero aínda non ten data.

En caso de quedaren entre os dous primeiros do Grupo, os cadetes desplazaríanse a Coruña a xogar as fases finais.

Os novos adestradores, que substitúen no cargo a Fon (agora adestrador do Coruxo de Liga Nacional), deron onte a súa primeira lista, entrando na mesma nada máis e nada menos que cinco dos nosos xogadores.

Parece por tanto que optaron pola confianza do coñecido ante a imposibilidade de adestrar antes deste primeiro (e fundamental) encontro.

Na portería contarán con Manuel Ángel, porteiro do Mosteiro xuvenil, recén clasificado para xogar a Primeira División e un dos menos goleados. Tamén estará o porteiro do Celso Emilio Ferreiro. Contan tamén cos tres xogadores do Labor que o ano pasado gañaron de todo co Celta de Vigo, e cos cinco xogadores do Hispanidade que están destacando na Primeira División viguesa.
Os dos adestradores esperaban contar tamén con xogadores do Coruxo, Salesianos, Colexio Alba, Montecastelo e San Martiño, pero a imposibilidade de falar con eles antes do encontro (as cousas fixéronse de mala maneira dende a Federación) fixo que se decantasen por xogadores cos que se puido contactar e que estiveron en todo momento interesados en xogar.

LISTA DE CONVOCADOS:

OS ANTECEDENTES NO HISPANIDADE

Foi concretamente Aldo, na tempada pasada, o primeiro xogador do HFS en xogar coa Selección. En primeira instancia, un olleador da selección falou con Marcos Gregores (por entonces míster do equipo hispanidense) para contar con Andrés Pernas, Jaime Agujetas e Aldo Dagraza.
Jetas non pasou da pre-selección por xogaren a fútbol 11, cando era un dos xogadores con máis calidade do equipo, e Andrés Pernas non puido acudir aos dous derradeiros adestramentos polo que non puido ser convocado. Ao final Aldo xogou contra Ourense o partido de volta, no que Vigo perdeu 1-5. O entonces porteiro do HFS xogou a primeira parte e foi cambiado no descanso por Fiou, o porteiro do Kenzo Sport, antes no Salesianos.

Con esta convocatoria de cinco xogadores sentan un precedente e deixan claro que este Hispanidade non lle ten envexa ao anterior.