O MONTECASTELO, VERGOÑENTO

É que non hai máis palabras para describilo, non se pode. Como pode ser que o Montecastelo, nun acto de despotismo e desfachatez tan grande coma unha catedral, decida non presentarse ao Campionato Galego alegando que "a Federación avisou con pouco tempo de antelación e non pagan os buses"? E o resto de equipos que estabamos loitando pola Liga para poder ir ao Campionato? que pasa con nós?



Ha de ser que nun Colexio de xente con tan pouco diñeiro, e con curas tan probes e misioneiros, que non teñen nin diñeiro nin maneiras para chegar ata Pontevedra a xogar un partido. Pobriños. Solidaricémonos con eles.



Dende logo, o que sentimos no seo do Hispanidade Fútbol Sala é unha impotencia bastante grande, por que logo de que non se fixesen plai-offs para decidí-lo representante provincial (xa ía o Montecastelo por gañá-la liga) agora nos enteramos de que a eles ese torneo non lles importaba nada, e para colmo, avisan (por teléfono, nin escrito nin nada que agora fan unha política de reciclaxe) con sete ou oito horas de antelación antes do partido, cando é imposíbel avisar ao equipo rival ou a outro equipo que se presente, como podía se-lo mesmo Hispanidade, Lar, San Martiño ou Colexio Alba que loitaron por chegar até ahí. Ademáis de que os papeis e todo estaba listo para que os representantes fósen os amarelos, xa non se podía trocar.

Pois nada, amigos, dende que saen no periódico coma un clube exemplar, os campionatos galegos xa son pouca cousa pra o Montecastelo. A ver se van a un Mundial do Opus ou algo, que non sexa tan pouca cousa...