Xornada 9 (Aprazado dende o 12/01/2008)

O HISPANIDADE VOLVE A TUMBAR AO CAMPIÓN. 4-6.

O HFS remontou o 2-0 inicial dos colexiais para rematar vencendo con claridade aos campións, finalizando tamén a remontada na táboa (hai un mes o Hispanidade estaba quinto) e ao final, unha máis que merecida segunda posición para o equipo que venceu dúas veces aos campións en menos de oito días.

Nos primeiros intres, parecía que o Montecastelo era inofensivo e que tanto ataque do Hispanidade remataría en gol, máis en dúas contras puntuais o Montecastelo puxo terra de por medio no marcador. O equipo celeste, coa mente posta na segunda posición da táboa, non perdeu a cabeza e xogou con seriedade, errando ocasións clamorosas ante un porteiro local moi acertado. Ao borde do descanso, Álex Reza controlou un balón (máis ca un pase, un melón) acrobáticamente na liña do área e marcou a pracer, iniciando a remontada. Logo do descanso, o Montecastelo saíu enchufadísimo a buscar o gol da tranquilidade, máis Champi e os paus o evitaron. Un Champi, que por certo, hoxe estivo inmenso. Bombi e Germán tamén facían un moi bó traballo atrás, evitando calqueira sinal de perigo, e foi Germán quen crearía unha xogada de perigo pola banda, tocou atrás a Diego e este asistíu a Reza para que só tivese que empurrala. Co empate no marcador e Álex Martín errando ocasións clamorosas, entrou Moreira a substituílo e amosou que o seu son os goles a pares. Primeiro marcou á media volta, cun zurdazo imparable, pero o gol foi neutralizado polo Montecastelo nunha contra dous minutos máis tarde. Co empate no marcador, o Hispanidade buscou a Moreira e Moreira buscou o gol, finalizando unha contra polo pao do porteiro. Coa vitoria momentánea do Hispanidade, o equipo celeste non baixou o listón e foi Diego quen marcou o gol da tranquilidade e o derradeiro da Liga.

Cabe destacar a penosa actuación dos pais dos xogadores amarelos, e dalgún que outro piltrafilla que teñen no equipo, aínda que a culpa foi do árbitro por non saber por orde cando tiña que facelo. O xogador número 17 do Montecastelo, que pasou os dous partidos protestando, colleu a bola despois de que o árbitro pitara unha falta e deulle un balonazo, con toda a intención do mundo, a Bombi no estómago, pero para o colexiado esta acción non era merecedora nin de cartón, que llo amosou posteriormente polas protestas de Bombi, ao que tamén lle caeu unha amonestación. E para finalizá-la función teatral, os pais gritando dende a grada improperios contra os xogadores celestes, dando un exemplo de talante. Dende logo, moita escola privada e moita leria, pero educación... Felicidades pola Liga e ata a próxima.

Polo que ao equipo se refíre, agora toca esperar que depara o sorteo da Copa. Seguiremos informando...